Дзень роднай мовы
21.02.202021 лютага адзначаецца Мiжнародны дзень роднай мовы. Не засталiся ў баку i вучні нашай установы адукацыі, якiя прынялi актыўны ўдзел у мерапрыемствах, падрыхтаваных настаўнікамі.
Свята роднай мовы праводзiцца не ўпершыню. У гэты дзень кожны вучань мог прыняць удзел і паказаць свае веды.
Для навучэнцаў 7-9 класаў прайшла інтэектуальная гульня "Адвечны голас Радзімы".
Яно складалася з 4 раздзелаў: "Ад знака да літары", "Ключ да ўсіх навук", "Слаўнае багацце мовы", "Чарадзеі роднага слова". Падчас мерапрыемства навучэнцы пазнаёміліся з гісторыяй даты свята, наведалі выставу кніг і паўдзельнічалі ў моўным турніры. Вучні выконвалі пераклады слоў, разгадвалі рэбусы, адгадвалі загадкі, складалі рыфмаваныя сказы.
Для вучняў 6 класа быў арганізаваны моўны турнір “Адкрываю, як свет, нанова беларускае роднае слова”.
У канцы дня была праведзена лінейка, на якой намеснік дырэктара па асноўнай дзейнасці Анасовіч Т.П. уручыла святочны падарунак – кнігу лепшай чытачцы школы Куніцкай Ульяне.
Мерапрыемствы садзейнічалі выхаванню пачуцця любові да Радзімы і роднай мовы, пашырылі кругагляд навучэнцаў, папоўнілі іх слоўнікавы запас.